|
SubscriptionsSites I Read
|
|
|
|
| 玩左兩年大O, 兩年文宣, 好開心可以認識到一大班人, 亦都好開心可以連續兩年玩到晚會!
今年玩晚會做大佬..感覺好唔同..有好多野要兼顧..講真, 我真係擔心大家玩得唔開心多過個show.. 因為晚會係要我地做得開心, 人地先會睇得開心, 大家玩得唔開心就一定唔會做到個good show出黎.. 所以我一路都好驚做野太忙, 有時少人冇野做要你地番黎又驚你地悶, 又驚你地hea, 又驚D野趕唔切..
不過好好彩, 你地都好聽話, 同埋我有一班好好好幫得手既core!!! 我決定要響呢度逐個多謝你地!
文嘉欣: 你唔使講啦我就算做咩你都會支持我架啦! 多謝你幫我打點一切執頭執尾, 整衫服裝都係你包辦, 仲有好多細微野都係你搞掂, 可能咁成日搞到你好緊張! 大家唔使驚佢得個樣架咋~ 其實佢好廢唔識惡架-.- 哈哈
Match: 唔使講晚會有你響度真係開心好多, 傾劇本俾左好多好貨, 做野時非常認真, 每個位都執到好好, 好彩你應承做我core! 我真係好放心完全冇擔心過你套劇! 多謝你!
Gap: 我地都係最真摯朋友之一!! 暑宿同你同房, 我搵你做core都冇擔心過! 我知有你響度套劇一定會好好! 加上你對D部員都好好! 仲好受歡迎添! 你搞氣氛同出貨都好正, 全靠你亂UP左一個去古代exchange! 我地晚會就咁用呢個主題喇!! 同你做野真係好開心!! 多謝你
王紀人: 大O mate 雖然你冇玩過晚會! 但我完全冇擔心過你會做唔黎! 因為我知道我可以乜都同你講, 同埋你又可以幫手照顧下文嘉欣! 如果你溝少陣仔就好喇..-.- 你個角色做得好好, 又成日幫我出去買野, 我冇收錯你做core! 哈哈
占屎: 兩年同房再加小中大同呢個緣份真係講足一萬年都係會覺得神奇! 今年委派左你做我私人 digital director, 身份同core冇分別!!! 我知你唔會介意既! 因為大家都應該覺得你係core 之一! 哈 個mv 真係正到爆!! 原本諗住完show 果晚同你黎個大擁抱, 不過唔記得左-.-
我做既野唔多, 全靠你地晚會先會做得咁好咁成功!! 我再一次多謝你地!!
完左show 果晚, 我落左舞台, 個感覺好奇怪, 因為最後一個ocamp. 最後一個晚會, 咁就完喇.. 成個感覺好空虛..好似做左好多野又好似冇咩做過野咁..哈 可能今年都係做D大圍野多 冇左做演員果種壓力同付出!
不過! 見到大家做得咁好, 俾左個咁好既show freshmen 睇, 我都好欣慰, 最緊要係大家玩得開心..我既任務都達成左喇!!
本來想打D好感動既野, 不過打打下又變左咁, 哈哈 希望你地有一個難忘既暑假啦! 冇見大家一日已經好掛住你地喇 -3- 第日要多D聚呀!!! 全部都要到!!!聽唔聽到?!!
晚會babies! 我堅愛你地!! 錫啖先>3<
| | |
| 我成日覺得, 電視劇果d 識左勁耐勁耐出生入死既兄弟因為一d野(女? 錢? ..)而反目成仇, 到最後冇frd 做, 呢d 情節真係好老土..我心諗: 係兄弟既就一早知朋友妻不可窺架啦! 係兄弟既就知錢可以借, 但唔可以借得太多架啦, 係兄弟既就唔會咁易嬲到咁架啦..可能呢d野係有可能發生,不過我一直都唔覺得會發生響自己身上.. 因為識我既人都知我對朋友好好. (好到可以同伴侶匹敵? XD) 絕對絕對唔會無啦啦憎佢嬲佢.. 除非佢做左d對我唔住既野架啦..如果我覺得條友係衰既, 我一定唔會揀做佢朋友, 頂多hi-bye. 所以做得我朋友既, 個個都好好架! 係咪? 對於識左好多年既小學中學同學, 我就更加唔會.. 大家過左咁耐, 都已經熟到咁, 果d低智能鬧交根本唔會發生, 我都視你地每一個係寶貝, 無錯, 係寶貝 (可能嘔心左少少, 不過我真係搵唔到其他野去形容) 我一生人入面最珍惜就係你地這班寶貝了..
可惜, 一生人有唔同階段. 總不能咁多人一齊行每一條路. 上到大學, 大家響唔同大學讀唔同既系, 自己系自己大學又有唔同既野搞, 番學上莊番工拍拖, 令到大家見面接觸少左..但好明顯之前種下既感情係一d都冇變! 只係人大左, 面對既野多左, 唔係淨係讀書上..
由小學一起行番學放學, 到中學一起搭地鐵巴士番學, 到大學入同一個college住同一座宿舍, 這樣既緣份不是很罕有的嗎? 我經常響度諗, 咁樣都俾我地一齊. 上天真係對我很好, 可以有人陪我渡過這樣既童年和青春. 我自己都感到很慶幸同幸福.. 但我發覺人大了, 好多野都變了, 你亦變了..
我好後悔.
好後悔自己al 唔讀好書, 要重讀一年. 令到我唔可以同我同年既老死一齊進級. 響大學隔左一年, 生活就已經好唔同. 由其是中大. 每一個year 個身份角色都好唔同..我好後悔唔可以響你既圈子入面, 我好後悔冇響你受挫折受委屈受批評受暗罵受出賣既時候同你一齊渡過.. 就算別人有幾唔明白你, 我都會覺得自己係最明白你果個. 我諗呢點你知 (可能你而家已經覺得我係佢地一份子..)響呢刻我真係唔想大個..因為原來我認為一d冇咩可能會變既野, 竟然就響我面前變緊...
我好難過..
好難過你竟然將我地既感情同另一d 野掛鉤..
好難過你竟然覺得我對你有偏見 (其實我比任何一個人都更清楚你)
好難過你竟然覺得我唔重視我地既關係
好難過你竟然憎我嬲我
好難過你竟然唔明白我
好難過你竟然將我地既感情看得這樣脆弱 (我一秒都冇諗過你會咁..)
講到呢度已經有d眼濕.. 好繼續
成件事發展到咁, 我只可以講我比你更加重視我地既關係.
當上了這個位, 有好多好多野要我決定, 人地揀得我做, 就相信我有能力做好. 電視劇或者書都有教過, 做人係唔可以感情用事, 由其是上級的..感情會影響決定..我冇可能滿足晒全部人既意願, 更加無可能為左個情字而妄下判斷..你要我用人情牌去滿足你, sorry我做唔到..應該話唔可以草率咁去fulfill 你..你都明白呢個決定唔係一時三刻所下的.. 你又明唔明白我內心掙扎左幾耐?.我諗左好耐好耐..一路都唔知點開口..就係怕你會好似而家咁..企響呢個位. 我左右兩難, 你唔明都算, 但絕對唔可以屈我唔重視呢段感情!!!!!!!! 我唔重視你就話之你死啦, 我係大佬我話事.. 個個都話我冇做錯, 我得鬼閒理你係咪嬲.. 由得你自己白痴算啦!!! 但係我做唔到呀! 我個心好難過好難過.. 我覺得自己做錯左...我覺得自己好冇用, 點解你會覺得我係咁, 點解你會將呢十幾年既回憶同印象俾你自己既情感憤怒完全遮蓋?!! 講到尾, 你覺得呢件事真係嚴重到值得你去講果d說話嗎?
聽到果d 說話我真係好心痛.. 點解你會咁睇我.. 講真如果我真係因為咁而失去呢一段友情既話. 我情願唔做大佬.. 因為我覺得自己咁樣都處理唔好. 根本冇能力去做呢個位..
我唔知點樣你先肯信我原諒我, 我對你說的話你可能會當作無謂既解釋或事後補救..可能你會覺得自己既情感大過大人地講咩都係補鑊你唔想聽道歉既說話..可能你永遠都唔會明白.. 可能你會繼續覺得我咁做係唔重視你..
做左咁多講左咁多, 最後呢一句,
我不是要你難堪, 因為這樣會令我更難堪..
你明唔明都好, 我想話你知我並唔係真係咁唔感情用事, 但我知道我唔可以感情用事..
我想講既野響晒度, 你接收到幾多就幾多..你想繼續嬲繼續憎繼續鬧繼續怪我繼續發洩繼續解釋繼續講你自己認為0岩既野就由得你. 因為我知你係唔會聽人講 (你唔使再解釋呢句, 我講呢句比任何人都有說服力, 而且大家都知道你係唔係, 所以如果你想打番篇野鬧我寸我就隨便, 明白既人就始終會明白, 我唔怕)
我只係想件事可以完.. 唔希望會快完喇已經-.-
畢竟我覺得成件事真係太老土了.. | | |
| 好耐都冇打野喇, 冇打既原因係第一懶, 第二根本冇咩特別既野好記低, 太瑣碎的事太多, 記唔到咁多, 哈 見係一年既過渡, 就打下啦!
二零零八年係我入大學既第一個年頭, 由year 1 到 year 2, 感覺好唔同.. Year 1 就真係好似D 0靚咁, 乜都唔識, 逐樣逐樣摸索. 幸好自己好快就適應大學生活 (要多謝母校的栽培! XD) ...經歷左第一年傅杯, 應林輸了..感受講左好多, 今年傅杯完後先再打.. year 1 的成績還可以, gpa 緊緊過3, 完成目標.. 第一年搞的大O, 參加了晚會, 很好很好的一次經驗, 是人生入面一件大事唷!! 我都很愛晚會各位!!!我真係好想出年大O可以一手一腳將最好既演出帶俾下一年year1... 到year 2 既開始, 崇宣! 希望大家都玩得開心! 感覺已經好似自己大左好多-.- 變了師兄..year 1 們都很不錯! 大家努力呀!
遺憾
去年有兩件事令到我好好好唔開心, 兩件事都會成為大學入面既遺憾...轉系+崇宣, 要哭的都哭過..都接受了, 希望這樣的結局不會很差..
願望
1. 今年希望可以再俾心機讀書! 追番year 2 sem 1 燃燒左既 gpa
上到year 2, 讀既野難左好多好多, 已經唔可以再打天才波..雖然讀既野好唔鍾意好冇用又好難, 不過為左自己, 頂硬上都要啦!! 要多多靠我同房! 錫死你!! 哈
2. 應林重奪傅杯
今年既身份唔同左, 帶住今年既一東, 希望大家可以落力D, 每一項都唔可以放鬆! pic 們俾心機擺多D心落去每一個練習! 機會係留俾有準備既人架!!! 聽到未?!
3. 出年文宣晚會
我真係好想好想做, 之前已經錯過了一次機會..我相信我一定能夠勝任, 上年晚會給了我很多很多, 我知道晚會需要什麼, 知道怎樣能取悅觀眾.. 真係好希望可以俾次機會我證明俾大家睇, 真係唔想活響任何人陰影下..好想大家相信我既能力..奈何......
呢個都好有可能成為我大學入面第三個遺憾...但係, 我究竟又可以做什麼呢...雖然已經有打定輸數既準備, 不過我依然會爭取到底!!一定唔會放棄!!加油熊梓鈞!!
祝大家新年快樂!!!!!!!!!
新一年事事順利, 開開心心啦!! | | |
| 哈 響就黎過十二點之前打呢篇野!! 0岩0岩好 見係特別日子先打咋 感性野唔講喇 收到既我都喜歡, 都很感動 多謝 就這樣繼續下去吧 =) 一週年快樂 | | |
| 下星期一交兩份功課 下星期四有兩個mid term exam ar... I am going to die very soon... D野睇左勁耐都唔知佢up乜春.. 但係唔關我唔上堂事囉, 因為上堂都唔知佢講乜春... 上年我D試前凌厲後勁去左邊?!?!! 唔可以再頹架喇... 同自己講聲先, 加油呀熊梓鈞-.- | | |
|
